اقتراح .. أقسام فرعية في المنتدى الأوربي

[Totti]

بما انه يا جماعة قربت الدوريات الأوربية .. و بلش هلأ الدوري الألماني و الفرنسي ..

و بعد شي عشرين يوم رح يبلشو الدوريات الكبيرة كمان ..

انا برأيي يا جماعة انه المنتدى الأوربي نرجع نقسمه متل ما كان السنة الماضية ..

يعني منعمل أقاسم فرعية ضمن المنتدى الأوربي لكل من الدوري السباني و الايطالي و الانكليزي .. و و بعد فترة كمان .. منعمل قسم فرعي خاص بالتشامبيونز ليغ و كأس الاتحاد ..

بس المهم هلأ انه نفصل كل دوري لحال .. لأن هلأ بلشت تكتر الأخبار عن كل دوري .. و لازم كل واحد من هالدوريات الكبيرة ينفرد بقسم خاص فيه ..




شو رأيكون يا جماعة !!

[R@ND]

أنا ضد هالفكرة وبشكل كبير كمان
لأنو يلي رح يصير انو المدريدي ما رح يفوت غير على الاسباني والمنشترواي والارسنالي والبافاري والبرشلوني إلى ما لا نهاية
وبالتالي رح نشوف أقسام ميتة

[BerBa.9]

أنا من رأي رند بس مع هالشي الفكرة مو بطالة وبدها دراسة أكتر

[R@ND]

خلص ما بدها دراسة مشرفين الاوربي ما وافقو ومافي مجال للديمقراطية :15:

[BerBa.9]

والله يا رند انا رح ارجع وخالفك الرأي

أنا مع وجهة نظر توتي

لأنو عنجد رح يصير عجئة كبيرة كتير

وماحدا رح يلحق يقرأ الأخبار والنتائج

وخاصة إذا كل مباراة بدنا نعمل عليها تحليل

أو تقديم وانتيجتها حتى

عالقليلة الدوريات الأربعة الكبار الأنكليزي الاسباني الايطالي الالماني

[Totti]

ليك رند ..

الله وكيلك صاير المنتدى الاوربي هلأ متل الخبيصة .. كلو فوق بعضو .. اي و الله مو حلو هيك ..

بعدين متل ما قال مهدي .. بكرا ما رح تلحق تشوف المواضيع ..

بعدين شغلة تانية ..

يعني هلأ بربك المنتدى بوضعه الحالي مبين عليه منتدى رياضي ..!!

صاير منتدى اجتماعي اكتر من انو رياضي ..

يعني هلأ عنا 6 منتديات رياضية ... بينما بالمقابل في 13 منتدى بالقسم العام ..!! بئا شو مشان انو منتدانا اسمو سيريان سبورت ..!!

يعني عالأقل .. بس مشان البريستيج .. لازم يكون في أقسام اوربية .. يعني هه .. على اساس انو شوي تخصصنا بالرياضة ..


أما هيك .! الوضع على حالو ..! اي و الله صاير ما حب فوت عالأوربي لأن حاسس انو الوضع خربطة بخربطة .. و ما في شي اسمو تنظيم ..

بعدين بكرا بس تبلش التشامبيونز ليغ و كأس الاتحاد .. يعني بالله عليكون معقول يكونو بنفس هالقسم ..!!!

يعني عالأقل .. هلأ برأيي لازم يكون عنا قسم خاص بالدوري الأسباني .. و قسم للانكليزي و قسم للايطالي .. و الألماني و الفرنسي مو ضروري يكون الهم أقسام .. بيكونو ضمن المنتدى الاوربي نفسه ..

و بكرا بالايام منفتح قسم خاص بالتشامبيونز ليغ و كأس الاتحاد ..

يعني هيك .. و لسا مامنكون عطينا كلمة سبورت حقها ..

طبعا هاد بيضل مجرد رأي .. بتمنى من بقية الشباب يعطونا رأيهم و يشاركونا الحوار ..

[R@ND]

أبو الخل طبعا كل واحد الو رأيو بالاخير يلي بدو ياه الاغلبية بصير يعني انا مو ضد هالشي
قلتلك انا السبب الرئيسي يلي رح يصير انو رح تضعف المشاركات بهي الحالة
بالله كم واحد عنا بشجع او بتابع دوري ألماني او فرنسي مثلا
وكم واحد بتابع كاس اتحاد اوروبي
طيب قلتلي ما بدون اقسام هدول
كم واحد بتبابع انكليزي متل العالم قصدي بالمتابعة كل شي
انا شخصيا بسبب ظروف الشغل اغلب المباريات يلي بتصير بنهار ما بقدر تابعها طبعا كلامي بينطبق على الدوري الانكليزي والالماني وخلافو
طيب انا رح اقدر ناقش بمباراة ما حسنت شوفها بشك بهالشي كتير
بالنسبة لوضع المنتدى واجتماعي يمكن لانو هلأ ما اشتغلت الدوريات متل العالم فاكيد رح تلاقي المنتديات العامة الاهتمام فيها زايد يلي ما فينا ننكر انو عم تجلب زوار واعضااء بنفس الوقت
بس مع افتتاح الدوريات انا شخصيا بستبعد هالشي من تجربة منتدى الرياضية اذا بتتذكر
ومع هيك برجع بقلك انا مع الاغلبية يعني اذا الاغلبية بدون اقسام انا ما عندي مانع منوب

يلا شباب متل ما قال ابو الخل شاركونا بالحوار وعطونا آراء

[ANWAR1986]

أنا من رأيي توتي تمام

مع أنو كلام رند مظبوط أنو الريالي مالح يفوت على باقي الاقسام والمثل بالمثل للمانشيستراوي وهالشي لمسنا السنة الماضية

بس الأحسن انو يصير في أقسام بقلب المنتدى الاوروبي

متل المنتدى العام

وأكيد في ناس كتير متلي ومتل توتي ومتل مهدي ومتلك رند بفوتو على كل الاقسام ليتابعوها كلها

هاد رأيي

وبالتوفيق شو بتلاقو مناسب

[R@ND]

اي يلا اتكلوا على الله معناها

[Totti]

ايه هه .. شايف ما أحلاهون هلأ ..

هلأ صار الواحد الو نفس يحط مواضيع و يشارك .. :66: