بغباء مارادونا فازت البرازيل وتأهلت

[ابو انس]

http://ara.reuters.com/resources/r/?m=02&d=20090906&t=2&i=11486512&w=192&r=2009-09-06T040448Z_01_ACAE5850BCD00_RTROPTP_0_OEGSP-SOCC-BRAZIL-AB2 (javascript:launchArticleSlideshow();)نعم لولا غباء المدرب ماردونا لمافازت البرازيل على الارجنتين والى التفاصيل

أحرز لويس فابيانو هدفين ليقود منتخب البرازيل للفوز على مضيفه منتخب الارجنتين 3-1 والتأهل لنهائيات كأس العالم لكرة القدم يوم السبت.
وسجل لويزاو هدف التقدم للبرازيل في الدقيقة 24 واضاف فابيانو هدفيه في الدقيقتين 30 و68 فيما سجل خيسوس داتولو هدف الارجنتين الوحيد في الدقيقة 66.
وتلقت امال الارجنتين في الظهور في النهائيات التي ستقام في جنوب افريقيا العام المقبل ضربة قوية بعد هذه الخسارة.
ويتصدر منتخب البرازيل تصفيات امريكا الجنوبية برصيد 30 نقطة قبل ثلاث جولات على النهاية ويتقدم بفارق أكثر من تسع نقاط على منتخبي كولومبيا والاكوادور صاحبي المركزين الخامس والسادس.
وتتأهل أول أربعة منتخبات في مجموعة امريكا الجنوبية الى النهائيات بشكل مباشر فيما يلتقي صاحب المركز الخامس مع صاحب المركز الرابع في مجموعة امريكا الشمالية والوسطى والكاريبي (الكونكاكاف) في مواجهة فاصلة على مكان في النهائيات.
وبقي منتخب الارجنتين بعد الهزيمة في المركز الرابع متأخرا بفارق ثماني نقاط عن البرازيل المتصدرة كما يتأخر ايضا عن منتخبي تشيلي وباراجواي.

[ronaldo-9]

مابعرف لو كانت النتيجة غير هيك أو لو أنكم سجلتوا بأول 25 دقيقة ياهل ترى كمان كان مارادونا رح يكون غبي ؟؟!!!!
ببساطة وبكل واقعية ماخسرتوا من غباء مارادونا بل من ذكاء وتكتيك دونغا اللي عرف كيف يتعامل مع منتخبكم وببساطة مابدها كل هالذكاء لتعرف انك لازم تقفل مناطقك وماتعطي مساحة لميسي ليتحرك فيها مع العلم اننا مازيادة قدرنا نراقبه وكان بسلاسة ماطبيعية يتخلص من لاعبينا بس وبعدين خلصت أربع لاعبين وخمسة ومالقيت لاعب يساندك يا أما رح تضطر تخسر الطابة أو انك تسددها كيف ماكان .
كمان دونغا ببساطة عمل على تهيئة اللاعبين قبل اللعبة وكان واضح ببداية المباراة كيف لاعبينا تمركزهم رائع وكل لاعب من لاعبيكم كان قدامه لاعب مراقب وهالشي كان من قبل منتصف الملعب بينما انتوا ما علمتوا نفس الشي وكانت مراقبة مدافعيكم كتير سيئة وخاصة بالهدفين ,هاد بالطبع ومالازم ننسى كاكا والدور الرائع اللي عمله وخاصة من ناحية اختراق دفاعكم واستفزاز مدافعيكم اللي مع مرور الوقت ازدادت عصبيتهم ,هاد بالإضافة لأننا مالازم ننسى الدور الهائل اللي عمله الهدف الأول من تأثير على نفسية لاعبيكم وجمهوركم وكمان على نفسية لاعبينا اللي ازدادت ثقتهم بنفسهم بطريقة ولا أروع .
حتى من بعد هدفكم لاول واللي انا متوقع انوا أغلبكم تأمل بانكم رح تعدلوا النتيجة وحتى اغلب مشجعي البرازيل تخوفوا من هالشي بس ببساطة كانت عندي القناعة انكم مارح تسجلوا هدف لنكم ببساطة ماعم تعرفوا تعملوا هجمة وحدة منظمة او تقوموا بجملة تكتيكية حلوة وتنقلوا الطابة بين لاعبيكم بدون استعجال .
على كل حال الكلام رح يطول عن هالمباراة وبالنهاية مابقول غير مبروك لكل البرازيلية على هالمنتخب اللي بيرفع الراس وهاردلك للأرجنتينيين وإن شاء الله تتأهلوا لكأس العالم

[ابو انس]

مزبوط كلامك رونالدو وانت عم تأكد كلامي انو فعلا ماردونا هو السبب لانو كل هالشي ياللي صار وماردونا لاحول ولاقوة حتى بعد تسجيل الهدف تبعنا وهو ماعرف كيف يستغل قدرات النجم الخارق ميسي مثل ماعم يعمل مدرب برشلونة وكان عندو اكثر من طريقة يغير اسلوب فريقوا ودفاعوا بس ماعمل يعني الفريق البارحة لو لعب كل اليوم مارح يتغير والسبب لمدرب لانو مو عرفان شو بدو وانا كان عم احكي عن ماردونا بكل التصفيات لانو فعلا منتخب الارجنتين وكل المتابعين بيعرفوا انو بدو مدرب اكبر واقدر من ماردونا لانو ماردونا اثبت انو مابيحسن يقود نتخب الارجنتين وشكرا ياغالي ومبروك هالفوز ومبروك للنجم المدريدي كاكا

[crespo]

ببساطة وبكل واقعية ماخسرتوا من غباء مارادونا بل من ذكاء وتكتيك دونغا اللي عرف كيف يتعامل مع منتخبكم

بدي اسالك ولك حسون شو كان عم يعمل تكتيك دونغا باول عشرين دقيقة لما كانت الارجنتين محاصرة البرازيل بنص ملعبها ؟

مالازم ننسى الدور الهائل اللي عمله الهدف الأول من تأثير على نفسية لاعبيكم وجمهوركم وكمان على نفسية لاعبينا

مزبوط كلامك 100%

اسباب الخسارة المباشرة :

1- وجود لاعبين قلب دفاع هاي المباراة الدولية الاولى لواحد والتانية للتاني وهنن سبب الجولين الاول والتاني وما عندهن خبرة ابدا وما ننسى انو بمباراة الذهاب رغم انو البرازيل عم تلعب بنفس الاسماء الا انو دفاع الارجنتين كان رائع بوجود ذوات الخبرة من كولوكشيني اللي كان مبارح عالاحتياط ودياز اللي كان جنبو

2- وجود الاحمق تيفيز بالهجوم اللي ابدا ماكان متفاهم مع ميسي وكان ميسي عم يلعب لحالو وحرام يلعب بمنتخب هاد تيفيز لانو اليساندرو لوبيز احسن منو وكمان ميليتو وكمان دي ماريا وهيغوين

3- قصر قامة كل اللاعبين الارجنتينيين بالمقابل كان واضح الطول الفارع للاعبي البرازيل وهالشي اتاكد بالضربات الثابتة

4-الهدف المباغت وغير المتوقع وغير المستحق اللي اجا للبرازيل اللي صعق كل من في الملعب وكل متابع في العالم لمنتخب التانجو

والغير مباشرة :
الحظ الغير طبيعي بالوصول للشباك من البرازيليين والضغط الغير طبيعي اللي كان على لاعبي التانجو وغير هيك وش الحكم النحس وخاصة كل الحكام الكولمبيين ولاحظو انو مافي مباراة بين الارجنتين والبرازيل الا منشوف الحكمين الكولومبيين هاد الساقط والتاني ابو الجل اللي على شعرو وما بعرف ليش دائما وجهن نحس على الارجنتين غير القيادة الفاشلة من ماسكيرانو للارجنتين وعدم التمتع بالقيادة واكبر غلطة تقشيط زانيتي شارة الكابتن واعطاءها لماسكيرانو وغير عدم استدعاء ريكلمي اللي كان حسم هيك مواجهة مع ميسي واتذكروا اياب التصفيات الماضية اللي حققنا فيها الفوز بنفس نتيجة مبارح ومباراة اولمبياد بكين والدور الرائع لريكلمي ...................

[ronaldo-9]

تكتيك دونغا بأول عشرين دقيقة كان ببساطة انه لاعبينا لازم يلعبوا بهدوء ويقفلوا مناطقهم الدفاعية بشكل ممتاز وبعدها يباشروا بالهجوم ,ولا كان لازم يبلش المباراة مهاجم بأرض الأرجنتين ونص ملعبها او انه يسيطر على الطابة متل ماسيطرتوا ,المباراة بأرضكم وبين جمهوركم وانتوا اللي كنتوا مضغوطين بهاللعبة ولهالسبب كان جدا طبيعي اللي صار بأول عشرين دقيقة .
أما بالنسبة للأسباب الغير مباشرة فما بتوقع اني فهمت عليك بتعبير الحظ الغير طبيعي بالوصول للشباك من قبل البرازيليين فهل ياترى لما هدفنا الأول حظ ولا التاني وخاصة لما نشوف كم كان لاعب برازيلي بمنطقتكم وقت سجلنا الهدف والطابة ارتدت مرتين للاعبينا وكان فيه أكتر من خمس لاعبين برازيللين بمنتطقة جزاؤكم بالهدف ولهالسبب مابينقال عن هالهدف انه حظ او انه توفيق هائل بالتسجيل لأن الطابة ارتدت من مباشرة مايكون لكاكا اللي رجعتها للخلف لترتد من حارسكم ويتابعها فابيانو يعني كان فيه اصرار هائل على التسجيل ,يمكن فينا نقول حظ على الطابة اللي بعد الهدف التاني واللي كمان كانت من ركلة ثابتة واللي تصدالها الحارس الأرجنتني بالغلط .
على كل حال المباراة انتهت والبرازيل فازت وصار لازم تركزوا على مباراتكم القادمة مع البارغواي وبالتوفيق إن شاء الله للتانغو

[ابو انس]

اذا رح يضل الوضع على ماهو عليه يمكن مانشوف ميسي ورفقاتو بجنوب افريقيا لانو منتخب الارجنتين مانو بالفورما

[los merengues]

اي لا عاد تخنتوهاااا
صحي بغباء مردونا الحشاش
وانانيه بعض اللاعبين
بس التانغو موجود ان شاء الله

[ANWAR1986]

الحق معك عبود بتوقع

الارجنتين بتتأهل على كأس العالم

بس ما بتكون بالفورما هونيك إذا بتضل على هالحالة