جبلة اصطاد الكرامة !!

[HasSaN]

نجح نوارس جبلة بتشكيلتهم الجديدة وبقيادة مدربهم عبد الحميد الخطيب في رسم صورة جميلة في لقاء ضيفهم الكرامة حيث لعب فريق جبلة بلا تعقيد وبتنظيم دفاعي جيد في حين لم يظهر فريق الكرامة

المصدر... (http://www.syrian-soccer.com/index.php?page=show_det&select_page=1&id=1665)

[crespo]

يا جماعة والله العظيم عيب شي بيقرف من حكم المباراة..... اللي حضر المباراة رح يعرف ليش والله عيب يعني الله لايعطيه عافية لا هوي ولا اللي خلاه يصير حكم ولا اللي خلاه يحكم هالمباراة المهمة اللي نزعها بقراراتو البعيدة عن الصحة واللي كان فيها منحاز للكرامة وكان واحد من اداريي الكرامة لابس تياب الحكم وعم يحكم واثار غضب الجمهور وخلا الجمهور يطلع عن طورو ... وفزنا رغما عن انف الحكم ..........

ويا لعيبة الكرامة عيب عليكم تصرفاتكم الروح الرياضية قبل كل شي يا كرامة وحتى لوكنتوا خسرانين عيب فريق جبلة يطلع الطابة لمعالجة احد اللاعبين اكتر من مرة وتاخدو الطابة وتشكلوا هجمات عيب والله عيب وهالتصرفات ما بتطلع من اي نادي كيف اذا كان نادي الواجهة بسوريا .........


الف مبروك لجبلة ولجماهير جبلة الفوز المستحق وبكل روح رياضية هاردلك يا كرامة وخيرها بغيرها ..............

[M@zen]

والله انو اكل هوى هيك حكم عنجد هاد ما لازم يكون حكم لا زم يكون بيسوق الهال وهارلك للكرامة والف مبروك لجبلة

[shumi]

مبروك لجبلة الفوز

بس كرسبو انت مو غريب عن لاعبنا السوري وعن تمثيل الاصابة بالملعب

وهالشي مو دفاع عن لاعبين الكرامة بالعكس مع اني كرماوي

ما حبيت هالشي ابدا وعيب على الاعبين اللي ساووه

بس انت فيك تقلي انو كل اصابات لاعبين جبلة كلها صحيحة وبدون تمثيل؟

وبعدين اذا الحكم متحيز للكرامة ليش ما عطانا ضربة جزاء مثلا وكنا عدلنا النتيجة وكان في وقت كبير

مع العلم انو هدف جبلة اجا بالدقيقة التامنة

على كل حال ما اختلاف بيناتنا

والف مبروك من كل قلبي لجبلة

وهارد لك للكرامة وان شاء الله بيتحسن الفريق بالقادمات:hi:

[ronaldo-9]

مبروك لجبلة هالفوز المبهر وهاردلك للكرامة وللأسف ماحضرت المباراة :icon_evil::icon_evil::icon_evil:

[crespo]

مبروك لجبلة الفوز


بس كرسبو انت مو غريب عن لاعبنا السوري وعن تمثيل الاصابة بالملعب

وهالشي مو دفاع عن لاعبين الكرامة بالعكس مع اني كرماوي

ما حبيت هالشي ابدا وعيب على الاعبين اللي ساووه

بس انت فيك تقلي انو كل اصابات لاعبين جبلة كلها صحيحة وبدون تمثيل؟

وبعدين اذا الحكم متحيز للكرامة ليش ما عطانا ضربة جزاء مثلا وكنا عدلنا النتيجة وكان في وقت كبير

مع العلم انو هدف جبلة اجا بالدقيقة التامنة

على كل حال ما اختلاف بيناتنا

والف مبروك من كل قلبي لجبلة


وهارد لك للكرامة وان شاء الله بيتحسن الفريق بالقادمات:hi:



اولا يا غالي ويا اغلى الغوالي الاصابات مو كلها كانت للعيبة جبلة وانا مو عم احكي عن اصابات جبلة لان من حق لعيبة الكرامة ما يرجعوا الطابة بس مو اذا انصاب لاعب الكرامة ولاعب جبلة طلع الطابة تقلي لاعبنا السوري ومابعرف شو وتمثيل هاد لاعبكن المصاب مو لاعب جبلة فهمت ياغالي

وتانيا مو ضروري الحكم يحسب ركلة جزاء لحتى نتهمو بالانحياز اصلا الحق عمين مابعرف يا اما الحكم كان لازم ينحاز اكتر يا الحق على لاعبي الكرامة اللي ماعرفوا يستغلوا الاخطاء اللي حسبها على لعيبة جبلة اللي هيي بالاساس كانت اخطاء للاعبي جبلة وانا بتحدا اي واحد على اكتر من خمس حالات اخطاء منسأل اي حكم او اي شخص عادي بعد ما نفرجيه الحالات لمين الفول لازم ينحسب اذا ما بيقول الفول للاعب جبلة انا رح بطل احضر كرة قدم .... منلاقي الحكم كان يحسبهن فول لصالح لاعب الكرامة وهاد انحياز واضح


وتالتا بتمنى يا شومي الغالي عقلبي ما تفهم كلامي تعصب اوشي تاني انا عم احكي بكل روح رياضية واللي قهرني انو نادي الكرامة هاد واجهة سوريا مو اي نادي تاني
ومن قلبي هارد لك وانشاء الله التعويض للكرامة بالقادمات .............

[shumi]

عادي حبيبي وحصل خير