فادي الخطيب التايغر اللبناني أصبح رسمياً في نادي الجلاء

[Totti]

http://forum.vivajalaa.com/download/file.php?id=396&t=1


هذا ما كان يعرفه كل الجمهور السوري بشكل عام والحلبي والجلائي بشكل خاص منذ أكثر من شهر
ولكن اليوم الاثنين أصبح فادي بروتوكولياً وبشكل رسمي في النادي الأزرق الكبير
فبحضور السادة ...
كميل عزوز عضو مجلس إدارة نادي الجلاء ومدير الشركة الراعية والسيدة حنان مستريح والسيد جاك بشاياني أعضاء مجلس الإدارة والمدرب البوسني منصور باياراموفيتش مدرب الفريق والكابتن روبير باشاياني اللاعب السابق ومساعد المدرب ووسط حضور لفيف من الزملاء الإعلاميين والمتابعين
وعشاق النادي الأزرق تم اليوم تقديم النجم العربي فادي الخطيب للجمهور ولوسائل الإعلام بحضورالجزيرة الرياضية وتلفزيون الدنيا قدم نادي الجلاء لاعبه الجديد بعد أن تم توقيع العقد بشكل رسمي .




http://forum.vivajalaa.com/download/file.php?id=395&t=1



ورداً على سؤال حلب الرياضي للسيد كميل عن تفاصيل العقد المادية كانت أجوبة السيد عزوز مغلفة
بكثير من الحذر وقال :
لا أريد الإفصاح بشكل تفصيلي عن الأمور المالية وأنا أعرف أن هذا السؤال هو الأكثر إلحاحاً لكل الصحفيين وما أستطيع البوح به والحديث عنه هو أن مقدم العقد السنوي 200000 ألف دولار أما الراتب الشهري فلم يتم الافصاح عنه .

[عبدالحفيظ]

ايوووووه قديش خيفانين معناها من لقاء فريق الوثبة حى جابوووووو
بسرعة

[Totti]

خخخخخ .. اي ماشالله عنك شو متفائل يا عبد ..؟ ؟

اي الجلاء بدون فادي خارب الدنيا ومو شايف حدا قدامو .. فما بالك اذا مع فادي ..!!

[عبدالحفيظ]

له يا توتي له
معناها انت لسا ما بتعرف مين هدا فريق الوثبة
الله يسامحك
هوي صحي انا سمعت انو بيجوز ما يلعب فادي بدوري سوري
بس للبطولات الخارجية
بس ما دخل راسي هالحكي !!!

[ابو انس]

اه ياتايغر ذكرتنا يايامك مع الاهلي

[Totti]

ولك عبد لا تنغر .. الوثبة تبعك متل الطليعة تبعنا .. يوم فوق فوق .. ويوم بيسخر مع قاسيون ..

يعني على هوى الحشيشة .. :10:

[حسون بليارد]

اذا نفع الاتحاد بزمانو ,, راح ينفع الجلاء اليوم

[ANWAR1986]

ايوووووه قديش خيفانين معناها من لقاء فريق الوثبة حى جابوووووو

بسرعة

هههههههه


يحرق حريشك


يا عبد الحفيظ


هههههههههههههه

[ANWAR1986]

بالتوفيق للخطيب مع الجلاء
صفقة مهمة
وقوية

[AmrJy]

بظن أنو فادي مفيد للجلاء بالبطولات الخارجية بس محليا بظن أنو انضمامو للفريق خاطئ تماما لعدة أسباب :
أولا: اللاعبين المحليين متل مرجانة وساري وشكور لح يقعدو عالاحتياط بعد ما قدموا مستوى ممتاز بالدوري الحالي وهاد الشي بسبب بهبوط مستواهم وبالتالي هالشي رح يأثر سلبيا على المنتخب السوري وهاد الشي حرااااااااااام
تانيا:منلاحظ بالفترة الأخيرة اعتماد الجلاء على اللاعبين المجنسين واللاعبين من خارج النادي متل شريف الشريف وهالشي منع ظهور المواهب الجديدة من فرق الشباب والناشئين وأنا ما بنسى انو فريق الشباب من 3 سنين كانت الفرق بتحسبلو ألف حساب مو حرام هالمواهب قاعدة عجنب روحو شوفو نادي الوحدة (أنا مو وحداوي)كيف تخلى عن اللاعبين الكبار لنادي قاسيون وترك مع الفريق المواهب الشابة وهالشي لح تبين نتائجو بعد كم سنة .وين نجوم المنتخب تبع الناشئين اللي كانو بالجلاء شوفو جوزيف عبود وين صار و زملائه بالمنتخب وين بقيو ...هاد الاحتراق مو الاحتراف
ثالثا: المصاري عند كميل عزوز مو مشكلة وهاد الشي اللي مخليه ما يتوانى عن جلب أي لاعب بيعجبو بس المشكلة أنو فادي مو صفقة ناجحة وتذكروا تجربة فادي مع الاتحاد وميشو اذا اجا فادي مارح يضل ميشيل اللي منعرفو لأنو راسين بفريق واحد صعب يتفاهمو وأكيد في راس من هالراسين بدو ينكسر
والسلام........................................عمر و

[ANWAR1986]

بظن أنو فادي مفيد للجلاء بالبطولات الخارجية بس محليا بظن أنو انضمامو للفريق خاطئ تماما لعدة أسباب :
أولا: اللاعبين المحليين متل مرجانة وساري وشكور لح يقعدو عالاحتياط بعد ما قدموا مستوى ممتاز بالدوري الحالي وهاد الشي بسبب بهبوط مستواهم وبالتالي هالشي رح يأثر سلبيا على المنتخب السوري وهاد الشي حرااااااااااام
تانيا:منلاحظ بالفترة الأخيرة اعتماد الجلاء على اللاعبين المجنسين واللاعبين من خارج النادي متل شريف الشريف وهالشي منع ظهور المواهب الجديدة من فرق الشباب والناشئين وأنا ما بنسى انو فريق الشباب من 3 سنين كانت الفرق بتحسبلو ألف حساب مو حرام هالمواهب قاعدة عجنب روحو شوفو نادي الوحدة (أنا مو وحداوي)كيف تخلى عن اللاعبين الكبار لنادي قاسيون وترك مع الفريق المواهب الشابة وهالشي لح تبين نتائجو بعد كم سنة .وين نجوم المنتخب تبع الناشئين اللي كانو بالجلاء شوفو جوزيف عبود وين صار و زملائه بالمنتخب وين بقيو ...هاد الاحتراق مو الاحتراف
ثالثا: المصاري عند كميل عزوز مو مشكلة وهاد الشي اللي مخليه ما يتوانى عن جلب أي لاعب بيعجبو بس المشكلة أنو فادي مو صفقة ناجحة وتذكروا تجربة فادي مع الاتحاد وميشو اذا اجا فادي مارح يضل ميشيل اللي منعرفو لأنو راسين بفريق واحد صعب يتفاهمو وأكيد في راس من هالراسين بدو ينكسر
والسلام........................................عمر و

كلامك صح

ولفت نظري بكلامك أنو

ال 3 أسباب يلي تفضلت فيهون بقولون دائما انا

وأهمن حرق المواهب الناشئين والشباب

وين فريق الجلاء بالفئات العمرية وينوووووووووووو

[فتنةخالد]

انا اسال وعذروني على جهلي اسال عن لاعب كان بمكانة ان يلعب بكبر نادي بلعالم وهو سيد بايزيد اين راح وهل يلعب ام مثلى كل لاعبين العرب يظهر بسرعة ويختفي بسرع والسلام واسف