متشائم ... [الأرشيف] - الرياضة السورية

مشاهدة النسخة كاملة : متشائم ...

ALAA-1987

11-12-2008, 01:15 PM

هاد مرة موظف وقف عند السمان يلي بيحارتو
واشترى شوية غراض ولما طلب من السمان أنو
يسجلهن عليه بالدين رفض السمان

وقلو ما بتعامل انا إلا بالكاش موني

فقلو الموظف متعجب : بدك كاش؟؟
قلو السمان أي ليش لأ؟

فجاوبو الموظف
الكاش غير متوفر بالأسواق المحلية
لأنه تجمع بأيدي شلة من الحرمية
والحرمية صارو كتار

والكترة غلبت الشجاعة

والشجاعة كنز لا يفنى
والكنز موجود بالمغارة
ما بتفتح إلا لعلي بابا والأربعين حرامي
والأربعين حرامي صارو ملايين
والملايين عم تندفع لضعاف النفوس رشوة

والرشوة صارت حق
والحق يا حسرتي ضاع

والأكل ما عاد منو غذاء
والغذاء مقابل النفط
والنفط جاب البلا على روسنا
وروسنا تمرمطت بالأرض

والأرض مقابل السلام
والسلام صار استسلام
والاستسلام ضيّع الكرامة
والكرامة خسر أدام الوحدة
والوحدة صارت حلم

والحلم سيد الأخلاق
والأخلاق تحولت لنفاق

والنفاق جمع نفق

والنفق لازم يتكمّل
ولحتى يتكمّل بدو متعهد بناء صالح
وصالح ما عاد بهالأيام
وبهالأيام صارت المفاهيم مقلوبة
والمقلوبة بدها بيتنجان ولحمة

واللحمة ماعادت تفوت لبيت الفقرا ولو نطحو
الحيطان
والحيطان صار ألها أدان
والأدان معبية البلد
وهالبلد صار في أكل هوا
والهوا صار في تلوث

والتلوث عشعش بالنفوس، والسجل المدني
والقضاء
وللقضاء على القضاء صار بدو قضاء وقدر
والقدر علينا مكتوب

والمكتوب ما في منو هريبة
والهريبة تلتين المرجلة

والمرجلة ما عادت لكل واحد
وكل واحد ألو ساعة
والساعة أتية لا ريب فيها
يوم يأخذ كل ذي حق حقه اللي شفط منه في
الدنيا
وعلى الدنيا السلام مشان الحصول على
الأختام
والأختام عند المدام
والمدام كانت شامية وهلأ صارت روسية شقرا

والشقرا بتهز الأرض
والأرض بتتكلم عربي
والعربي ماحدا بيقدر عليه غير الله
والله اذا منضل على هالحالة لتسحبنا
الكلاب :(11):

والكلاب أحسن من البني آدم
وآدم علق علقة مسخمة مع حوا
وحوا ما بتعرف غير كلمة بدي

وبدي ألعن أبو هالحالة :(13):
بطلت اشتري .....!!!!!

:1:

HasSaN

11-12-2008, 01:37 PM

ههههههههههه متشائم و عم يخبص اللهي عين العباد حلو شريك يسلمون :1:

ابوالعبدالشامي

11-12-2008, 01:59 PM

لك ولييييييييييييييييييييي سكتو الله يستركون :(5):

baty rose

11-13-2008, 11:31 AM

وليييييييييييييييييييييييييييييييييي
وجعني راسي
على هي الحالة بطل اي حدا يفوت عالمحل ويشتري
:(17)::(17)::(17)::(17):

shumi

11-13-2008, 11:42 AM

اووووووووووووووووووووووووووووووووووووووووووووووف كل هالشي

كلامو للمواطن صحيح عدا شغلة وحدة بس

انو الكرامة ما خسر مع الوحدة :(9):

ALAA-1987

11-13-2008, 11:43 AM

لك ولييييييييييييييييييييي سكتو الله يستركون :(5):

شو أبو العبد
بدك نسكوت حبيب ؟؟ منطق :(11):

ALAA-1987

11-13-2008, 11:47 AM

وليييييييييييييييييييييييييييييييييي

وجعني راسي
على هي الحالة بطل اي حدا يفوت عالمحل ويشتري

:(17)::(17)::(17)::(17):

قولتك باتي إذا كل الأشخاص يلي بدهن يفوتو يشتروا متشائمين بيبطل حدى يشتري شي..

كل ذوووووووووووووووووق على مرورك :(7):

ANWAR1986

11-13-2008, 02:54 PM

ولي وجعني راسي من هالقصة بس التشائم للاسف مو جود بحياتنا دائما الله يبعدو عنا دائما

مشكور علاء عالقصة المتشائمة عكسك ياقلبي انت :eh_s::eh_s::(7)::(17): :(22):

ALAA-1987

11-13-2008, 03:09 PM

ولي وجعني راسي من هالقصة بس التشائم للاسف مو جود بحياتنا دائما الله يبعدو عنا دائما

مشكور علاء عالقصة المتشائمة عكسك ياقلبي انت :eh_s::eh_s::(7)::(17): :(22):

لك على راسي ياأبو النور عن جد أنك وردة
مشكور لمرورك حبيب :(15):

ronaldo-9

11-14-2008, 02:39 PM

حلوة هي كل هالسمفونية لقلوا بطلنا نشتري عالم فاضية أشغال ياعمي :(10):

أبو عبد الرحمن

11-14-2008, 08:19 PM

شو هالمتشائم هادا بدو يدهورنا معو

golden rose

11-15-2008, 12:57 PM

عـــــــــــــلاء مانا مستاهلة كل هالمحاضرة
من الاول لايشتري:(5):

ابوالعبدالشامي

11-15-2008, 01:13 PM

:(13):اخ لو معي
كنت ريحت العالم منو :(13):

baty rose

11-15-2008, 03:04 PM

:(13):اخ لو معي
كنت ريحت العالم منو :(13):

بس هيك ما رح يمشي الحال لانو اذا ريحت العالم منو في كتير غيرو
شو بدك تلحق لتلحق
على كلن مشكور
:(22):

henry

11-15-2008, 10:00 PM

رااااااااااائع
هيدا احلى موضوع قريتو اليوم
بيستاهل جائزة افضل موضوع

ALAA-1987

11-16-2008, 12:31 PM

على راسي شباب ومشكور لمروركم :(8):

sleman1113

11-17-2008, 07:50 PM

حلوة هالقصة واقعية :1::1::1:

ALAA-1987

11-19-2008, 10:05 AM

حلوة هالقصة واقعية :1::1::1:

واقعية ..!!
معاناة مواطن