خطا اخراجي كبير في مسلسل باب الحارة الحلقة 13

[zien007]

السلام عليكم
اليس من الغريب ان يكون مسلسل بحجم باب الحارة ومخرجه المخضرم الملا وبوجود العناية الدرامية والاخراجية الكاملة .
مع كل ذلك يستطيع المشاهد ملاحظة خطأ كبير وهو :
وجود عامل القهوة ديبو في زفةعرس خاطر وهو اصلا موجود في السجن عند ابو جودت بعد ان تم اعتقاله في لقطات سابقة
طبعا العمل جيد وجماهيري ولكن مثل هذه الاخطاء تسيء له كثيرا
وشكرا

[سوري مغترب]

انا شخصياً شايفو مسلسل سخيف جداً ومبتذل وسطحي ومستهلك وتجاري لأبعد الحدود...

[طارق السعوديه]

مسلسل تجاري لابعد الحدود وممكن يستمر لمالا نهايه التشعبات موجوده كلو بيتجوز ويجيه اولاد وبصير قصص وقصص ابو عصام مات وراجع بعد 3سنين ابوجودت رجع بعد موته ام جوزيف طلعت عايشه ولاتستغربو يمكن يظهر الادعشري كان هربان فعلا مسخره واستخفاف بعقول المشاهدين

[M@zen]

فاااااااااااااشل برأي انا

[ashikat alettihad]

انا ما حضرت غير الجزء التاني احلى شي بس بعدو والله ما بسمع غير الشارة لانها كتيير حلوة اما المسلسل ما عاد الو طعمة ابدااا وميرسي الك

[عصام مدور]

خلينا نحكي بصراحة يا شباب ... أي مسلسل سوري ذاع صيته متل هاد ... والله العظيم عندي صديق بألمانيا هو لبناني يتابعها يوميا وهو وعائلته وجيرانه ... وبس تطلع يحط حاله بالخارج ويقلي منرجع منحكي بعد مسلسل باب الحارة ... وعندي صديقي بالسعودية قلي الباكستانية والأندونيسية ههههههههههههههه بيسألوه عن باب الحارة ومجرياته وتوقعاته ... صديقنا محمد علاء المصري هنا فليدلي بدلوه... أنا لست مع المطمطة وتكرار السيناريو والاستخفاف بعقول المشاهدين وأنا معكم أن العمل تجاري وهل يوجد الآن عمل غير تجاري ؟ من مسلسلاتنا الدينية وركز على هذه الجملة الى مسلسلاتنا الثقافية والاجتماعية ... أي منها موجه ؟ كلها تجارية تقوم على أساس البيع والرعاية والمهم أن يتابع أكثر ... وعلى كلن هو آخر جزء من هذا المسلسل وقد استنفذ جميع أجزاءه ,,,, بالنهاية شكرا لكم ... تحياتي ...

[ابو يعرب]

ليش في شغلة ساووها السوريين وظبطت معاهون
بالكرة فاشلين
بالطرب فاشلين
وشي طبيعي يفشلو بالتمثيل

[سوري مغترب]

ابو يعرب الدراما السورية هي الأولى عربياً وبامتياز بغض النظر عن محتوى البعض من الأعمال...بعدين السوريين هن اكتر شعب بيتقن اللي بيساويه

[ابو يعرب]

هي الاولى بالاكثرية
ولكن بالمضمون من اسوا الدراما
ولاتنسى المصاريف الطائلة التي تصرف على المسلسلات
وبظن كلا على بعضا مالها طعمة

[mohalaa]

السلام عليكم

انا اؤكد ان باب الحارة الجزء الاول و الثاني كانوا من اروع ما شاهدت في العشرة سنين الماضية اما باقي الاجزاء فلا استطيع الحكم عليها لاني لم اشاهدها للاسف
تحياتي للجميع و تحياتي لعزيزي عصام
تقبل مروري

:pretty_smile:

[crespo]

والله اسخف مسلسل شفته بحياتي هوي وابو جانتي قرد التكسي وعادي تكون فيه هيك اخطاء ومن الطبيعي تنوجد هيك اخطاء لانو خلص ماعاد بدهن يعرفوا شو يعملوا فيه لانو من تاني جزء وهوي سخيف اصلا بعد ما مات الاحدعشري الملك بسام كوسا انتزع المسلسل وهوي اللي كان محلي الجزء الاول رغم سخافة الجزء الاول وكل المسلسل

لسا السخافة بالفانتازيا التاريخية ماخلو شخصية تاريخية ماعملوا عليها مسلسل ولك يقطعهن هنن وهالدراما اللي نزعوها وانا برأيي هالسنة الدراما السورية بالركن الاسفل ومافيها شي كويس غير شوية ضيعة ضايعة الجزء التاني اكمل مسلسل انعمل بتاريخ سوريا

مشكور اخي زين 007 ....

[الكابتن عرنوس]

نعم الخطأ موجودولوحظ ديبو يحضر العراضة
وبنفس الوقت يجب أن يكون بالسجن مع أبو حاتم
وكثير من المشاهدين انتبهوا لذلك حتى الصغار

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Totti]

اي هادا طلع حضر العراضة ورجع كمل السهرة بالسجن بيكون ... :10:



الحمدلله ... انا من الجزء الأول ما تابعت هالمسلسل .. ولا بدي تابعه ..

[seeno]

والله أنا برأي أنو لازم ينتبهو لهل الشي لأنو عن جد الدراما السورية هي الأولى عربيا ولازم ما يسكت عن هادا الغلط لأنو عمل بمستوى عالمي متل هادا لازم ما يكون فيه هيك غلط مع أنو بيخوها بالأجاء الخمسة ..... مشكورين

[طراد الاسود]

اكيد مسلسل باب الحارة مهم
ومن افضل المسلسلات السورية
وانا ماتبعتو من وقت مات العكيد ابوشهاب
ومادام رجع ابو عصام بلكي يرجعوا البقية!!!!

[ANWAR1986]

والله الخطأ الكبير يلي صار

واضح

وقلل من عمل المخرج الملا أخوين

[هبوش الجيشاوية]

بصراحة كل العالم عم تقول انو هالمسلسل باخ وصار سخيف وشبيعرفني بس عليي الحلال كلوا عم يتابعوا لانو بالفعل ما باخ بالعكس تماما كل جزء عم يكون احلى من التاني
وانتو ما لاحظتوا اديش طلع بعدوا مسلسلات شعبية(بيت جدي..اهل الراية.........الخ)اي ولا مسلسل نجح ولا تابع متل باب الحارة لانو اضخم انتاج تلفزيوني خلال خمس سنوات بالفعل

[زيد الاهلاوي]

انا بقترح عالمخرج بسام الملا
يعمل جزء سادس شو رايكم

[هبوش الجيشاوية]

لا جد عم يقولوا انو على الاغلب في جزء سادس