المساعد الشخصي الرقمي

مشاهدة النسخة كاملة : في مباراة ودية : فوز شباب معضمية الشام على فريق منتدى الرياضة السورية (( 6/4)) @@@@@

الكابتن عرنوس
10-09-2010, 10:47 AM
فوز شباب معضمية الشام
على فريق
منتدى الرياضة السورية


زار فريق منتدى الرياضة السوريةلكرة القدم مدينة المعضمية بدعوة من ناديها للقاء شباب النادي في مباراة ودية يوم الجمعة 8/10/2010 على أرض الملعب الترابي
وهذه المرة الأولى التي يلعب فيها فريق المنتدى على الملعب الكبير0

الشوط الأول:
بدأت المباراة في جو غائم وماطر أحيانا وسيطر شباب المعضمية على مجريات اللعب في هذا الشوط وظهر تفكك دفاع المنتدى مما سهل مهمة مهاجمي المعضمية فسجلوا أربع أهداف متتالية ثلاثة منها بواسطة عامر الحاج والرابع سجله أحمد السيد أحمد وبعدها جمع لاعبو النتدى أشتاتهم بعد التبديلات التي أجراها الكابتن فتحسن أداء الفريق وسجل أيهم شيخاني هدف المنتدى الأول من ضربة جزاء كما أضاع الفريقان عدة فرص للتسجيل.

الشوط الثاني:
دخل لاعبوشباب المعضمية بتشكيلة جديدة وظهر إرتفاع ملحوظ بأداء لاعبي المنتدى حيث تأقلموا مع بعضهم أكثر وشنوا عدة هجمات أثمرت عن تسجيل هدفين بواسطة أيهم شيخاني ومحمد نصري (أبو عبد الله ) وليرتد شباب المعضمية مهاجما وسجل عامر الحاج الهدف الالخامس لفريقه والرابع له في اللقاء ويعود ماهر الجابي ليقلص الفارق بتسجيله الهدف الرابع لفريق المنتدى بعدها ينفرد جمال منصور من المعضمية في المرمى ويختتم الأهداف بهدف سادس لتنتهي المباراة بفوز شباب المعضمية على فريق المنتدى بنتيجة (6/4) .
وليكسب منتدى الرياضة السورية مشروع فريق قادم يضم مجموعة من المواهب الواعدة.

http://www.syrian-sport.net/images/syriann/4.jpg (http://www.syrian-sport.net/images/syriann/4.jpg)
فريق منتدى الرياضة السورية

http://www.syrian-sport.net/images/syriann/3.jpg (http://www.syrian-sport.net/images/syriann/3.jpg)

فريق الشباب بنادي معضمية الشام



قام بتحكيم المباراة الكابتن عرنوس
وهو بنفس الوقت يشرف على تدريب الفريقين
ابوفادي19611
10-09-2010, 10:55 AM
اتمنى التقدم والازدهار للرياضة السو:hoho::so_cute:رية
bilal kriem
10-09-2010, 12:01 PM
مبروك لنادي شباب المعضمية على الفوز وانشاء الله نحنا نكون استفدنا من هالمبارة مع انو انا رجلي مشعورة من المبارة وعم افصع عليها
M@zen
10-09-2010, 12:53 PM
:surprise:كابتن انابدي اعتزل اللعب رجليي موحاسس فيهم الله وكيلك
الف مبروك للمعضمية
هنن متعودين على الملعب ونحن اول مرة منلعب على ملعب كبير و كلو حجار كمان
وتسلل كتير ضرنا التسلل نحن
Totti
10-09-2010, 04:23 PM
خخخخخخخخ لك منيح لاعبينا قدرو يقطعو خط النص .. :10:


بس شو مشان أبو عبدالله حط غول !! اي والله لو بشوفه بعيني ما بصدق !! شو مشان !! :10:

أكيد كان الغول فاضي .. او حارس المعضمية كانت دايقة خلاقو معم يشرب شاي عجنب .. :10:
max2000
10-09-2010, 04:37 PM
نطالب بمدرب صربي اسوة بمنتخب سورية وماحدا احسن من حدا,
هههههههههههههههههههههه
الله يعطيكم الف عافية بكفي ان الفريق عم يلعب مع فريق منظم وعندو استحقاق بعد فترة ومشكور كابتن ابو مهند.
طراد الاسود
10-09-2010, 06:19 PM
مبروك لشباب المعضمية الفوز ولشباب المنتدى الخبرة اللي اكتسبوها باعتبارهم
اول مرة عم يلعبوا على ملعب كبير00
والله يعطيك العافية كابتن انت والشباب00اكيد مهمتك كانت صعبة
بس كيف زبطت معك مدب للفريقين وكمان حكم00؟!
(فيك الخصام وانت الخصم والحكم00!)
ههههههههههه
BALLACK
10-09-2010, 07:18 PM
مبروك لشباب لمعضمية مظبوط نحنا خسرنا
بس كل الشباب صرن زمان مالعبو
ولهلق ماتعودنا على بعضنا
ومن دون تدريب دغري مباراة على الملعب الكبير
الله يعطي العافية لفريقنا
والمباراة الجاي اكيد منفوز عليهن
white.heart
10-09-2010, 09:31 PM
مبروك
للمعضمية
وهاردلك لشبابنا
BALLACK
10-09-2010, 10:11 PM
ياشباب نسيت قلكن انو الهدف الي اتسجل على فريقنا
من حالة تسلل مين وراه

اكيد ابن همام وصلت موصيلو لفريقنا

:hoho: :hoho: :hoho: :hoho:
الفنان احمد محاسنه
10-10-2010, 12:57 AM
انا بدي بوح بسر كبير كتير ,سمعت انو علا الوحداوية عم تفاوض جواردلا منشان يترك برشلونة فريقا المفضل او يجي يستلم فريق المنتدى
على ذمة الراوي ههههههههههههههههههههههه:big_smile:
عصام مدور
10-10-2010, 01:17 AM
لا هيك رح تجبروني اجي العب على هالخسارة:hoho: .... ما بكفي منتخباتنا ... ماعد شمينا ريحة الفوز هههههههههههههههههههههههههه
emad92
10-10-2010, 08:04 AM
أهلا وسهلا فيك عصامو بس اذا المرات القادمة على ملعب مثل الملعب يلي لعبنا عليه مع شباب المعضمية مو نصيحة ههههههههههههههه
لأنوا والله مو حاسين برجلينا
الكابتن عرنوس
10-10-2010, 09:21 AM
مبروك لشباب المعضمية الفوز ولشباب المنتدى الخبرة اللي اكتسبوها باعتبارهم

اول مرة عم يلعبوا على ملعب كبير00
والله يعطيك العافية كابتن انت والشباب00اكيد مهمتك كانت صعبة
بس كيف زبطت معك مدب للفريقين وكمان حكم00؟!
(فيك الخصام وانت الخصم والحكم00!)

ههههههههههه



مشكور أخي طراد

وبالنسبة لسؤالك فعليك توجيهه للاعبي الفريقين وخصوصا لاعبي المنتدى
وقدسيير أمور فريق المنتدى أثناء اللعب الأخ حسان
وسير أمور الشباب مساعد المدرب

@@@@@@@@@@@@@@@@@@
الكابتن عرنوس
10-10-2010, 09:28 AM
مبروك لشباب لمعضمية مظبوط نحنا خسرنا
بس كل الشباب صرن زمان مالعبو
ولهلق ماتعودنا على بعضنا
ومن دون تدريب دغري مباراة على الملعب الكبير
الله يعطي العافية لفريقنا
والمباراة الجاي اكيد منفوز عليهن


في المستقبل القريب إن شاء الله
سنسعى على تنظيم الفريق أكثر
من حيث الإنتظام بالتدريب
وثبات المواعيد وبشكل دوري وسترون
منتخب للمنتدى سيضاهي فرق
الأندية الرسمية
@@@@@@@@@
الكابتن عرنوس
10-10-2010, 09:33 AM
مبروك

للمعضمية

وهاردلك لشبابنا



شكرا لك ياذات القلب الأبيض
وعلى متابعتك
وأرجو منك وضع إقتراحاتك
لفريق المنتدى

@@@@@@@@@@@
bilal kriem
10-10-2010, 10:26 AM
كابتن عرنوس نحنا راح نرجع نلعب مع نادي شباب المعضمية في الايام المقبلة
ronaldo-9
10-10-2010, 12:00 PM
مبروك للمعضمية وهاردلك لمنتخب منتدانا , شكلها كانت مباراة حلوة ممتعة كتير .
النمر الحنون
10-10-2010, 01:16 PM
مبروك لشباب المعضمية وحظ اوفر لشباب المنتدى
لعبتو منيح بس مالكم حظ متل المنتخب السوري هههههههههههههههه
انا بهنيكم على التجمع الرائع
وياريتني كنت معكم بس الغربة كربة
الكابتن عرنوس
10-10-2010, 01:40 PM
مبروك للمعضمية وهاردلك لمنتخب منتدانا , شكلها كانت مباراة حلوة ممتعة كتير .






انتظر الصور في موضوع أخر

@@@@@@@@@
simon
10-10-2010, 03:00 PM
هاردلك يا شباب ......
ابوالعبدالشامي
10-10-2010, 08:16 PM
والله ياشباب صحيح خسرنا بس انبسطنا رغم انو ماضل حدا يمكن بالفريق الا واكل نصيبو من الملعب يعني شي بيبكي القلب الحزين حتى محسوبكون مبارح مانمت من وجع ايدي وضليت اكتر من ساعة بنص الليل وانا عم فللي الشوك من ايدي لك اكتر من عشرين شوكة صارو تحت الجلد وبطلو يطلعو وغزيت العين على هالشوكات شي للفلجان وحدة بوحدة بس بنفس الوقت حسينا بمعاناة اندية الدرجة التانية والتالتة يعني معقول نادي متل نادي المعضمية من اقرب اندية الريف لدمشق ورافد حقيقي لاندية الدرجة الاولى والتانية مايكون عندو ملعب فيه ابسط امور اللعب ....فهمنا عالتراب مو مشكلة بس مو كل حجر بيطلع قد نص الطابة وبدال الحشيش شوك ... يعني ياويلو يلي بدو يوقع امو بتكون داعية عليه
ابومحمدبشيرخضر
10-10-2010, 08:52 PM
اخي ابوالعبد عنجد انا اسف على صار فيك بس تخيل انت لعبت مبارة وحدة على الملعب شو بتتوقع من اللاعبين الي كل اسبوع يلعبو على نفس الملعب وغير هيك حصص التدريب على نفس الملعب :rockn_roll::rockn_roll:
ANWAR1986
10-11-2010, 01:03 PM
هارد لك لفريقنا وكان ناقصون الدفاع الفولاذي حضرتي

بس أنا لهلق ما قررت القرار النهائي للأعتزال

وممكن بأي وقت ارجع للدفاع

ووقتها ما حيشمو الغول المعضمية

ههههههههه

مشكور كابتن عرنوس

مجهود كبير تشكر عليه