مشاهدة النسخة كاملة : بما انو لساتك .. تازة ..خلنج .. حول لهون لنتعرف عليك شوي ..!
Ronaldo
06-02-2008, 02:24 AM
مرحبا .. جميعا .. http://img222.imageshack.us/img222/7935/iconbiggrinlp2.gif
كيفكم ؟
ولك ركد ركد .. بوشك عاقرب مراية http://img217.imageshack.us/img217/6594/fmirorab2.gif.. ولك ما يبلى الخجلان الهيhttp://img222.imageshack.us/img222/4697/iconredfacebb4.gif .. يييي محمرين خدودك .. http://img222.imageshack.us/img222/4697/iconredfacebb4.gifhttp://img222.imageshack.us/img222/4964/iconrazzbl7.gif
اي .. ما بدا كل هالقد .. وازا تازة وهلا مسجل يعني .. عادي عادي .. ما تاكل هم ما حدا بياكل اعضاء هون http://img222.imageshack.us/img222/1971/iconfrownfg9.gif
هلا اذا كنت حضرتكم لساتكم تازة http://img217.imageshack.us/img217/212/iconsurprisedut3.gif لا من شوي .. فاقس على زر التسجيل .. وهاكزا يعنوي .. http://img217.imageshack.us/img217/7476/iconsyriagemxl2.gif
شو رايك هيك نفتحلنا .. متل ... جلسة تعارف ..http://img217.imageshack.us/img217/193/iconeekhg1.gif ( ولك تعال تعال .. وين سرح مخك لبعيدhttp://img217.imageshack.us/img217/3151/iconsyriahammarip6.gif ... لا لا .. مالنا متل جلسات التعارف هنيك http://img217.imageshack.us/img217/3448/iconcryjd7.gif.. ولي فال الله ولا فالك http://img217.imageshack.us/img217/3448/iconcryjd7.gif)
خيو جلسة التعارف هون .. كلياتا عبعضا .. انو هيك فوت احكيلنا شوي عن حضرة جنباكم الكريم .. http://img217.imageshack.us/img217/1156/smokeed7.gif
من وين .. شو عم تدرس .. مغترب .. بالبلد .. قرعة جدك من وين .. وهيك يعني ..
بس مو تروح هلا .. تعملي متل برامج الفضائية السورية .. وحطلك الاسئلة المعتادة ... http://img222.imageshack.us/img222/1971/iconfrownfg9.gif
ما هي هواياتك .. الرسم والسباحة وركوب الخيل ..
ما هو اسمك .. احمد محمد احمد دريد درغام ..
بتحب الماما والبابا ؟ بكون الاب والام جنبو .. لح يقلن لا يعني .. حبيبي ..
نو نو نو ..http://img217.imageshack.us/img217/3151/iconsyriahammarip6.gif ما هيك ابدا .. احكي براحتك خيو ... http://img217.imageshack.us/img217/7476/iconsyriagemxl2.gif
عراحتك ... بركدن يعني .. هيك منصير خوش بوش http://img217.imageshack.us/img217/3026/iconsyrialovelyvy7.gif.. وفتّا لقلك.. وعلى طرق شيخ الكبة من هونhttp://img222.imageshack.us/img222/2748/dabkedabkatqg8.gif
وعلى تبليعو 13 دينارية http://img217.imageshack.us/img217/212/iconsurprisedut3.gif.. ودقيتلك عالسنك بترجعلي بسطوني .. الخ الخ
بقا شمرو عن ايديكم .. وسمو بالله .. ويا رب ..
عراسي جميع الشبيبة .. وشرفتو المنتدى .. http://img222.imageshack.us/img222/9851/mimosyriavv1.gif
Ronaldo
06-02-2008, 02:32 AM
ولح بلش بحالي انا هلا ...
انا يمان .. من الشام . http://img217.imageshack.us/img217/1156/smokeed7.gif
شبيح بالجامعة .. عم ادرس محاسبة .. والله .. بس برا البلد .. ماني بسوريا يعني .. http://img217.imageshack.us/img217/3448/iconcryjd7.gif
طبعا .. أصلي تجميع ياباني .http://img217.imageshack.us/img217/7476/iconsyriagemxl2.gif. مالي قطع غيار اصلية هون ... ممنوع التقليد يعني .. http://img217.imageshack.us/img217/3151/iconsyriahammarip6.gif
مدريدي .. سامباوي .. عكيفكم ... http://img222.imageshack.us/img222/2748/dabkedabkatqg8.gif
اي وهيك ..
حريف طرنيب .. نوع فاخر عالاخر..
تركس الخ الخ ... اللي بدكم ياه يعني .. http://img222.imageshack.us/img222/3695/clapgh8.gif
الشاورماhttp://img222.imageshack.us/img222/4697/iconredfacebb4.gif بالنسبة الي شي مقدس ... لا يعلى عليه .. http://img217.imageshack.us/img217/3026/iconsyrialovelyvy7.gif
قاسيون احلى مكان عندي ياه ... يعني بين قوسين صغار .. هاتلك ابو ال صندويشتين شاورما .. وطلعني عقاسيون وما بقا بدي شي من هالدنية .. http://img222.imageshack.us/img222/4964/iconrazzbl7.gif
يلا مبدئيا حاجة .. ازا طلع فيني .. هيك كم شغلة تانية .. خرج انو تنكتب .. وما بتشوه سمعتنا الكريمة .. منطجا خيو .. http://img217.imageshack.us/img217/3448/iconcryjd7.gif
يلا هاتو لنشوف .. احكولنا .. عن حضرات جنباكم .. http://img222.imageshack.us/img222/9851/mimosyriavv1.gif
Philip
06-02-2008, 10:35 AM
ولك يقبرني ربو أيو اليمن والله
انا عن حالي شباب .... أسمي طارق و فينكون تقلولي أبو طريق عادي ما بنطعج ..... محسوبكون شبيح من اللاذقية بس طول عمري ساكن بالشام ..... سنة تانية معهد تدريب سياحي بدمر .... و ناوي عالسفر انشاء الله بس تظبط الأمور ....
أهم شي عندي هوه الشغل صراحةً ..... أنا من النوع يلي بكره القعدة بالبيت .... يعني بشتغل طول النهار ببلاش و لا بقعد بالبيت و لا ثانية .... هي ببلاش مزح ها :D .... و المقلوبة أكلتي المفضلة .... مو الشاورما ...بشتغل بمكتب سياحة و السفر .... بقسم السياحة و و المجموعات السياحية ... مو دعاية بيشرفي ...:p
بحب الأفلام الأجنبية و ما بتعاطا عربي بنوب .... مو هيك عمورة ... :cool: .. أنا دمي مشكل يعني فينك تقول أحمر على أخضر على أبيض ... يعناوي برمناوي ... على بافاري ... على ألماني ... يعني بالمحصلة جيرماني للعظم ... :cool::cool:
و حلى منطقة بحب روح الها بسوريا ... الكفرون و ضيعتنا باللاذقية ...
كفها الله اليوم ...
سلامي للجميع ........... ومرة تانية أحلى يمون الورد ;)
Ronaldo
06-02-2008, 03:01 PM
على راسي يا اب طريق .. ( اي وانطعج .. مين سائل عنك ليش http://img222.imageshack.us/img222/4964/iconrazzbl7.gif)
ناطرين باقي الشبيحة ..
shumi
06-02-2008, 04:48 PM
السلام عليكم
كيف الشباب والشبيبة والله الكن وحشة
مبروك الافتتاح للمنتدى الجديد وان شاء الله بيصير احسن منتدى سوري وعربي
رح عرفكن عن حالي
محسوبكن عبودي من حمص
حاصل على بكلوريا علمي
وحاليا ليل نهار بالشغل
متزوج من سنة تقريبا وما بنصحكن تعملوها:d
بموت بشي اسمو شاكرية ورز
اهتماماتي رياضية موسيقية وخصوصا رياضة المحركات
ال F1 والموتو Gp
كرماوي اصيل ومانشستراوي والماني متل ابو طريق
واليورو النا ان شاء الله
يلا بيكفى لعي لهون
احلى شباب والله
k H a L i D
06-02-2008, 08:14 PM
والله أحلى يمان .. على راسي الشباب كلون
فكرة حلوة ببداية المنتدى الأعضاء يتعرفوا على بعضون .. أحييك أبو اليمن ;)
أسمي خالد ..وحداوي من الشام
بشتغل 3D Animator بشركة النجم (أفلام كرتون والذي منو)
أكلتي المفضلة الكبة (وخاصة اللبنية وممكن مقلية.. وإزا مشوية مافي مشكلة)
بحب الأفلام كتير وخاصة إزا كان فيها ممثلين كبار متل ميل غيبسون وآل بتشينو ...وكمالة الشلة :cool:
صحيح أنو من زمان مالعبت سلة بس بتضل الرياضة المفضلة.
ألماني متل أبو طريق وأبو عبيد :D
واليورو إلنا إن شاء الله
Philip
06-02-2008, 08:39 PM
ولك الله يزيد و يبارك:d ..... أحلى أبو الخل بيشرفي
تشرفنا حبيب القلب
CANTONA
06-02-2008, 11:04 PM
اما أنا يا اخوة العرب
فأنا عمر المغترب الحلبي في حمص
وحيد لأهلي لا عندي لا أخوة ولا أخوات يعني هوووم ألووون :D
بدرس سنة تانية ونص ترجمة انكليزي عقبال ما اتخرج قولو امين :mad:
ميولي الكروية محليا أهلاوي للعضم
وفريقي العالمي أبطال أوروبا الشياطين الحمر بكل تأكيد
ومنتخبي أكيد أسياد أوروبا والعالم المانشافت الالماني
هلأ لا حدا يسألني كيف يعني ظبطت معك ألمانيا ومانشستر ... ما بعرف هيك الله خلقني
هواياتي جمع الطوابع وتربية الاسماك ......... هلأ بربكن من كل عقلكن صدقتو هي هواياتي هههههه
أكيد ما في غير سوسة كرة القدم أكتر شي هي والانترنت بالاضافة الى ادماااااان الافلام الاجنبية وأحلى هوليوود والله :D
اي شو ضل كمان شو ضل كمان ...مممممممم
الشغل عم اشتغل بالتدرريس حاليا انكليزي طبعا بمعاهد خاصة طلاب وهيك شغلات يعني بالاضافة لصيانة الكمبيوتر ...
مممممم . الأكل فروج ببطاطا ( وصندويش شيش من عند كريش :p)
ولعية ... حاج ... مليتو مو هيك :D
shumi
06-02-2008, 11:36 PM
تشرفنا شباب
وعلى راسي الشبيحة كلها
Ronaldo
06-03-2008, 01:18 AM
حلو حلو .. عراسي مسيو خالد .. ما اجتمعنا بلا وحدة الماني ووحداوي .. نزيل عالساحة راس لراس لقلك :p
عراسي شبيحة ... ومنيح عم اعرف كل واحد شو اكلتو المفضلة .. منشان وقت بدي انزل لعندو زيارة يعملنا عزيمة عليا ولو :p
HasSaN
06-03-2008, 04:00 PM
أحلى شباب و الله معلومات هامة و انا قريبا بنزل معلوماتي الخاص بس كم يوم :eek::eek:
Ronaldo
06-03-2008, 04:44 PM
اي اي .. ال سي في تبع حسونة مهمة جدا .. :d
بس ما تنسا تخبرن بال سي في حسونة كم مرة .. شرشحناك بالسوني :d
Philip
06-03-2008, 06:29 PM
بيجوز ناطر لبكرا ..... مشان يعمي أب ديت للسي في يلي عندو ..... هههههه :d
ronaldo-9
06-03-2008, 08:09 PM
تحياتي شبيبة ولك والله اشتقتلكم :
محسوبكم حسن من جبلة
محليا جبلاوي طبعا بالإضافة لأني بشجع
أي نادي بيلعب باسم سوريا خارجيا
بالأندية مدريدي للعظم
وبالمنتخبات برازيلي لدرجة التعصب
سنة تالتة فلسفة :( (لا تسألوني ليش عم ادرسها )
بحب السباحة وصيد السمك هاد بالإضافة للرياضة أكيد .
Ronaldo
06-04-2008, 12:16 AM
عراسي يا حسون .. واشتقنالك والله ..
:d
shumi
06-04-2008, 08:44 AM
شو حسان الهيئة ما بتعرف تلعب سوني
والله انا شفت يمون وهوي عم يعلب
يعني الصراحة حرييييييف
Ronaldo
06-04-2008, 11:10 PM
ولك ابو الشوم عراسي والله بس وين شفتني وانا عم العب ؟
غريب ماني متزكر .. :d
الف مبروك يا شباب المنتدى الجديد:)
يعني شو بدي عرفكون عن حالي اه :rolleyes::D
ممممممممممم
انا من حمص وكرماوية سورية وبيكفي ههههه:p
مو جاي ع بالي احكي كتير
خير الكلام ما قل ودل صح:confused:
بعدين بحكي اكتر
منورين المنتدى ومبسوطة فيكون كتير
HasSaN
06-05-2008, 01:50 PM
اهلا هنا نورتي منتداكي ..... بعد زمان :cool: و نحن اكيد بانتظار رجعتك المعتادة
shumi
06-05-2008, 03:27 PM
يمون وقت رحت عالشام بالعيد
بتزكر ولا لاء
يومها لعبت انت وميسي الريال وبرشلونة
HasSaN
06-05-2008, 04:32 PM
يا شباب حولو على قهوة عمكم يمونة مشان نتحادث ونفش خلقنا ونتسلى .....
وخل الموضوع للأعضاء الجدد لنتعرف عليهم ... :p
احمدشاكول
06-06-2008, 12:00 AM
مشكو رموضوع جميل
انا بالنسبة الي بسيط بكل معنى الكلمة
حضرتي احمد شاكول من محافظة ادلب وساكن في ناحية ابو الظهور التابعة لمدينة سراقب
انا شبه مطرود من الصف التاسع الاعدادي عمري الان 32 سنة
اعمل بمهنة بيع قطع التبديل للسيارات الجديدة
ونادي المفضل محليا اهلاوي
وعالميا برشلونة
والمنتخب اسبانيا واقل شوي ايطاليا
غير شي انا جاهز
اها صحيح انا متزوج وعندي ثلاث اولاد
حاجة ولا كمان
crespo
06-06-2008, 01:53 PM
انا " استغفرك ربي واتوب اليك " علوش الملك الملقب بكريسبو العقرب
اي ام فروم سيريا يعني سوري ابا عن جد ومنذ اكثر من خمس سنوات عايش محل ما ولدت يعني بعروس الساحل جبلة الابية
مخبري اسنان " خزف - وجه خزف - انسيرام - اجهزة تقويم - زيركون - بدلات سنان للختايرة "
عمري ما بعرف قديش بس الي زمان عايش وسمعت بالصدفة انو بعد كم يوم بكفي الخمس وعشرين سنة وبالتحديد يوم " 19-6 "رح اعمل حفلة بهالمناسبة شرفونا ........
انا رياضي من الدرجة الاولى اهوى كرة القدم
ناديي المفضل محليا جبلة وعالميا الانتر والمان يونايتد واهواك يا ميسي
منتخبي اكيد التانغو وبعدو منتخب التشيك وايطاليا
شو لسا اي ماني متزوج
حاج بقى حلو عني صحيح ما بتنعطوا وش
سلام
ronaldo-9
06-07-2008, 09:26 AM
عراسي يا حسون .. واشتقنالك والله ..
:d
أحلى يمون والله تحياتي
تشررررررررررررررررررررررررفنا بأحمد وعلي أحلى شبيبة;)
crespo
06-08-2008, 09:49 AM
هنووووووووووووووووووووووووووووووووووووووووووووو
ولك كيفك يا عيوني والله مشتقلك كتير
crespo
06-08-2008, 09:50 AM
أحلى يمون والله تحياتي
حاجتك كولكة ولك حسون
henry
06-09-2008, 03:09 PM
سلام للجميع
احمد من حمص
كنت ادرس ادب فرنسي وطلقتها للكلية من سنة تقريبا
كنت اشتغل امين مستودع منسوجات وتركت الشغل حديثا
اعشق رياضة الفورمولا ان واطلع دائما لمتابعة السباقات
ولما بسمع صوت المحركات
متل كاني عم اسمع ام كلثوم
كمان بحب السلة وخاصة ال nba
رغم اني ابتعد قليلا هالسنة بسبب الضغط اللي صار عليي
كنت تابع الدوري اللبناني للسلة وكنت مع الرياضي بيروت
بس هلأ ما عدت تابعت
بتابع رياضة عالمية اكيد
قدم بقصد
اشجع الارسنال العشق الابدي
لاعبي المفضل هنري
المنتخب المفضل فرنسا يتبعها هولندا
محليا بتابع نتائج تشرين وعندي بعض ميول الو
رغم انو ما كنير بهتم فيه يعني ع الصدفة
هي اخباري ومعوماتي
HasSaN
06-09-2008, 03:13 PM
أحلى ابو حميد رومانسي المنتدى و صديق الجميع :cool:
HasSaN
06-09-2008, 03:16 PM
مشكو رموضوع جميل
انا بالنسبة الي بسيط بكل معنى الكلمة
حضرتي احمد شاكول من محافظة ادلب وساكن في ناحية ابو الظهور التابعة لمدينة سراقب
انا شبه مطرود من الصف التاسع الاعدادي عمري الان 32 سنة
اعمل بمهنة بيع قطع التبديل للسيارات الجديدة
ونادي المفضل محليا اهلاوي
وعالميا برشلونة
والمنتخب اسبانيا واقل شوي ايطاليا
غير شي انا جاهز
اها صحيح انا متزوج وعندي ثلاث اولاد
حاجة ولا كمان
اهلا عمي ابو حميد كبيرنا نحن سعداء بيك و بكل الأعضاء و بالتوفيق
HasSaN
06-09-2008, 03:19 PM
احلى تحية لكل الشباب بالمنتدى الي حاسس اننا رح نكون اصدقاء والله شايف كل الموجودين
كويسين وفيهم البركة وان شالله كون عضو فعال بهل منتدى
انا محمد من حلب طالب ترجمة بحمص سنة رابعة
هواياتي كرة القدم وكرة السلة
فريقي طبعا الاهلي وبكل فخر
بحب شوف الافلام الكوميدية و الاكشن
اكلتي الفضلة كل الاكلات الحلبية الرائعة
لعيب تركس لأبعد الحدود
حاليا متفرغ للدراسة
احلى شباب
أحلى مشروع متجم بالمنتدى و ان شالله بتحقق امنيتك بأنك تكون مترجم محلف :cool: و نشوفك بالمنتدى ترجمان رسمي .... بانتظار ابداعاتك صديقي ونحن من هلأ اصدقائك و اخوانك :rolleyes:
henry
06-09-2008, 03:21 PM
ميرسي حسانو تشكر على كلماتك الرقيقة:(:o
HasSaN
06-09-2008, 03:21 PM
انا " استغفرك ربي واتوب اليك " علوش الملك الملقب بكريسبو العقرب
اي ام فروم سيريا يعني سوري ابا عن جد ومنذ اكثر من خمس سنوات عايش محل ما ولدت يعني بعروس الساحل جبلة الابية
مخبري اسنان " خزف - وجه خزف - انسيرام - اجهزة تقويم - زيركون - بدلات سنان للختايرة "
عمري ما بعرف قديش بس الي زمان عايش وسمعت بالصدفة انو بعد كم يوم بكفي الخمس وعشرين سنة وبالتحديد يوم " 19-6 "رح اعمل حفلة بهالمناسبة شرفونا ........
انا رياضي من الدرجة الاولى اهوى كرة القدم
ناديي المفضل محليا جبلة وعالميا الانتر والمان يونايتد واهواك يا ميسي
منتخبي اكيد التانغو وبعدو منتخب التشيك وايطاليا
شو لسا اي ماني متزوج
حاج بقى حلو عني صحيح ما بتنعطوا وش
سلام
علوش بيك ملك الأرجنتين و عاشقها (صرنا رفقات مشان هالشغلة :D) ان شالله بنشوفك متل ماتعودناك و انت من قدامى منتدى الرياضية سابقاً اكيد و عضو مميز ..... ننتظرك علوشي :cool:
henry
06-09-2008, 05:03 PM
احلى وردة بالمنتدى
CANTONA
06-10-2008, 02:53 AM
احلى تحية لكل الشباب بالمنتدى الي حاسس اننا رح نكون اصدقاء والله شايف كل الموجودين
كويسين وفيهم البركة وان شالله كون عضو فعال بهل منتدى
انا محمد من حلب طالب ترجمة بحمص سنة رابعة
هواياتي كرة القدم وكرة السلة
فريقي طبعا الاهلي وبكل فخر
بحب شوف الافلام الكوميدية و الاكشن
اكلتي الفضلة كل الاكلات الحلبية الرائعة
لعيب تركس لأبعد الحدود
حاليا متفرغ للدراسة
احلى شباب
لك عراسيييييييييييي زميييييييييييييييييييييل
انا بدرس ترجمة بحمص :d
SimpleMan
06-10-2008, 03:30 AM
السلام عليكم
الله حي الشباب الطيبة
انا وسام من هون ............. يه يه يه ...عفوا من هون قصدي من حمص العدية ..... حمصي أح
بدرس هنيك ......... ما عرفتو وين هنيك ......... تكنولوجيا معلومات .....بس حذروا وين ... ما راح قلكم
بس اللي بيحب يشوفني ونتعرف على بعض أكيد راح يلاقيني بكلية العلوم بحمص طابق تاني ... الجامعة الإفتراضية السورية
عرفتو بأي جامعة بقا ......... الإفتراضية السورية ..............................
المهم ومالنا بالطويل ياشباب .......... هواياتي كتيرة ومتنوعة لدرجة إنو ما بقدر مارس منها شي لانو انا بشتغل وبدرس ................ لك ولعية علييي كمان نسيت قلكم ..............
بشتغل بشركة برمجيات بمجال الأرشفة
المهم منرجع للهوايات ... أول الشي أكيد كرة القدم .... محسوبكم كان لاعب بالكرامة بس ما كنت مبين كتير وفضلت العلم على الطابة .. وهلاء كل فترة وفترة في لعبة طابة عنا بالحارة ...............
بس ما شي حالي بعرف اركض بالطابة شوي ........... بس ما تشدو إيدكم ..بوطي بدون رباطات
المهم شو كمان ............... مممممممممممممممممم ..... يا اخواتي السباحة كمان بس ما بعرف اسبح كتير
بشجع الكرامة اكيد لأنو فريق أوروبي ........................
ريال مدريد .................................................. ...
البرازيل.......................................... ...............
متلي المفضل ... لا تتفائل فالقادم مذهل ..................
شلوني معكم ............. منيح هيك ولا كمان
HasSaN
06-10-2008, 10:28 AM
أهلا وسهلا وسامو نورت المنتدى انت و الكرامة و حمص
وحداوي برشاوي
06-10-2008, 12:06 PM
سلام شباب انا عامر باردودي من الشام وصلني ايميل بالمنتدى وحبيت شارك خاصة اني كنت مسجل من سنتين ايام منتدى الرياضية القديم معلوماتي قليلة بس اهمها
انو اسمي عامر بارودي 22 سنة طالب حقوقي عم دفش تدفيش يمكن اتخرج عالمونديال القادم بس مابتوقع :eek: .... هواياتي السباحية شنو اني انا سباح طالع لخوالي:p روح قلبي انزل على الأموي و حارات الشام القديمة اتذكر ايام بيت جدي :( الله يرحموووو (تعيشو) متفائل بطبعي بحب المرح وشعري بالحياة مافي شي مستاهل :D
henry
06-10-2008, 12:33 PM
هلا بيك سمبل مان ووحداوي وانشاء الله بنشوفكن معنا على طول هون
Abu Waseem
06-10-2008, 01:32 PM
معي المايك؟
أبو وسيم من الشام متأهل وعندي صبيين : وسيم وكريم الله يسلملكون أهلكم وولادكم
وحداوي - بافاري - ألماني وبس
مهووس كرة سلة وعشقي كيفن غارنيت ومعه هلأ بالفاينالز مع السلتيكس
الأكلة المفضلة البروستد
طبعاً نسيت قول اسمي باسل
وانا من قدماء منتدى الرياضية وكان اسمي Whitesnake
طبعاً شجعت الوحدة من عمري 10 سنين يعني من 88 وشجعت المانشافت من 82 وكنت فصعون يعني 3 سنين ونيف ومن وقتها مع كل شي بألمانيا يعني حتى بطولة زت الغلة الحديدية مع الألمان وبافاري من ال92 بعد اعتزال رومينيغه وكنت انتر ميلاني بسبب الألمان يلي بدعو فيه قبل مايتحول لفريق أرجنتيني وبرازيلي
وعلى راسي الشباب فرداً فرداً
وكيفك يمون؟ ;)
henry
06-10-2008, 01:43 PM
اهلين بابو وسيم
والله يخليلك ولادك يا رب
قديه اعمارهن؟
Abu Waseem
06-10-2008, 01:50 PM
على راسي ولله أبو حميد
وسيم هلأ رح يصير شهرين كمان بيصير 3 سنين
كريم عمرو 4 أشهر ونص تقريباً
HasSaN
06-10-2008, 02:06 PM
اهلا باابو وسيم الغالي و يخليلك وسيم بيك وكرومة ,,,
صحيح ابو وسيم هو Wihtsnake و عندي بالأرشيف مناوشات باسل حلب مع باسل الشام ههههههه
الله يرحم هديك الأيام .... اهلا وسهلا ابو وسيم نورت و بانتظار باسل حلب اشتقنالو كمان :cool:
henry
06-10-2008, 02:09 PM
على راسي ولله أبو حميد
وسيم هلأ رح يصير شهرين كمان بيصير 3 سنين
كريم عمرو 4 أشهر ونص تقريباً
الله يخليلك اياهن يا رب
وامانة
امانة
امانة بوسلي اياهن
Abu Waseem
06-10-2008, 02:29 PM
و عندي بالأرشيف مناوشات باسل حلب مع باسل الشام
هههههههه يحرء حريشك يا أبو بسام تتذكر؟
امانة بوسلي اياهن
وصل أبو حميد وان شاء الله لما نفرح فيك ونشوفك عريس ونشوف ولادك
henry
06-10-2008, 02:40 PM
شكرا كتير
Ronaldo
06-11-2008, 12:06 AM
ولما بسمع صوت المحركات
متل كاني عم اسمع ام كلثوم
اي اي .. هنن التنين بعنّو .. :D
طبعاً شجعت الوحدة من عمري 10 سنين يعني من 88 وشجعت المانشافت من 82 وكنت فصعون يعني 3 سنين ونيف ومن وقتها مع كل شي بألمانيا يعني حتى بطولة زت الغلة الحديدية مع الألمان وبافاري من ال92 بعد اعتزال رومينيغه
زكزك مو بايدك .. من يوم يومك .. استاز رياضيات ..
يلا احسبولنا ايمتا ولدان والكم ليرة :p:D
لك اهلا اهلا اب وسيم .. وعراسي احلى حشاش شامي والله ..
وعلى راسي جميع الشبيحة البقية .. وناطرين تحشيشاتكم بالموقع ..
henry
06-11-2008, 10:30 AM
اي يمون
بس عنين المحركات اظرف
Abu Waseem
06-11-2008, 12:12 PM
اهلين يمون ولله
هلأ صحيح ممكن كون شنشتيف أنا بس الله وكيلك مابقرب عالحشائش وخصوصي البقدونس والكزبرة أصلاً لهلأ مابفرق بيناتون بس كمان ما بخربط :d
Ronaldo
06-11-2008, 01:05 PM
ههههه اي اي ... مين جاب سيرتن هدول :d
:D عكلن .. منبقا ببين معنا من هون لشوي تانيات ..
Abu Waseem
06-11-2008, 01:11 PM
بانتظار القادم
مشغل Auto Update مو من شي من قلة المروة
Matrix
06-11-2008, 03:37 PM
اهلين بالملك والزعيم حسان اكيد رح نبقى اصدقاء واخوة وهادا شي بيشرفني
crespo
06-11-2008, 11:25 PM
علوش بيك ملك الأرجنتين و عاشقها (صرنا رفقات مشان هالشغلة :d) ان شالله بنشوفك متل ماتعودناك و انت من قدامى منتدى الرياضية سابقاً اكيد و عضو مميز ..... ننتظرك علوشي :cool:
حبيبي حسانو انت الملك وغيرك لا لا
احلى ارجنتيني والله وعلى راسي بلدك يا غالي
انشاء الله منرجع متل ما كنا ايام الرياضية
انا قادم حسانو
من ايمتى ابو بسام ارجنتيني:confused:
henry
06-12-2008, 03:09 AM
من اول عمرو ارجنتيني حسان
يو دونت كنو;)
henry
06-12-2008, 03:31 AM
بتمنى ما تنسي هيك شغلات هامة
لانو بتتعلق بالادمين
مو حيلا حدا
ع كل حال احب ع قلبي انو يكون ارجنتيني انا:d
مااااااااااااااااااااااااااااااااااااااااااااااااا اااااااااااا عرفتك يا انت :D:cool:
henry
06-12-2008, 04:12 AM
ع كل حال احب ع قلبي انو يكون ارجنتيني انا:d
وليش بقى؟
مااااااااااااااااااااااااااااااااااااااااااااااااا اااااااااااا عرفتك يا انت :d:cool:
اي اكيد معزورة صرلك زمان ما شفتيني
shumi
06-12-2008, 08:59 PM
لسا كتير حتى تشوفيه
لك اي انا ما عم شوفو:mad:
crespo
06-13-2008, 06:15 AM
من ايمتى ابو بسام ارجنتيني:confused:
بزعل منك هنو وكأنك مو مبسوطة انو حسانو الملك ارجنتيني
henry
06-13-2008, 01:34 PM
لا لاتزعل
مبسوطة
ليش هيي بتعرف الارجنتين من الاكوادور؟:d
سوبر انتراوي
06-13-2008, 02:34 PM
كيف الشباب الطيبة ..منورين.. والله اشتقنالكن ...:)
ما بعرف اذا اجا دوري بس بدكن تعزروني رح احكي هلأ لاني ما بضمن حالي بعد مباراة ايطاليا اليوم ..:mad:
محسوبكن انس من الشام ..ومن دمر تحديدا ..سمعان طارق ..اذا بدك واسطة انا جاهز عمي بدرسك بالمعهد ..:D
المهم انا بدرس كيميا وبالمشرمحي شاب شعر راسي ولساتني ملزق بالكلية المعروفة بسجن الباستيل :mad:
بشتغل بدوام ليلي بمكتب ...مو ضروري تعرفو مكتب شو ..مو هيك علوش ..;)
انا سوستي كرة القدم والفورمولا ون والموتو جي بي ...
محليا كرماوي بالوراثة ...:cool:
اوروبيا انتراوي لانو بشبهن بكل شي ...:rolleyes:
منتخبي المفضل عالميا مين غيرو مين الازوري ابطال العالم ...واوروبا ..:confused:
بما انو هلأ شهر امتحانات ووجع راس ...وبطولة اوروبا شغالة ...يعني ..يمكن ما يصحلي فوت يشكل متواصل ..
وبعرفكن شباب حلوين ورح تعزرونا اكيد ...:)..تشاوو ..;)
Ronaldo
06-13-2008, 04:15 PM
اهلين انوس .. وناطرينك لترجع لنضحك عليكم شويات انت والازوري والانتر :d
crespo
06-14-2008, 09:20 AM
يا مية ويلكم بانوس الملك الانتراوي
واخيرا صرنا اتنين مع الانتر ههههههههههههههه
اطمن انوس ما رح قول شو بتشتغل بالليل وبأي مكتب هاد سر بس ما بضمنلك حسون من اول كف يحكي كل شي لانو برازيلي خاين ههههههههههههههههههههههه
crespo
06-14-2008, 09:22 AM
لا لاتزعل
مبسوطة
ليش هيي بتعرف الارجنتين من الاكوادور؟:d
الله يسامحك لهيك انا زعلان ههههههههههههههههههه
ولك عم امزح هنو ما في منها وخاصة لما بتقلك انا ارجنتينية وانا بقلها لا انتي احلى ارجنتينية ههههههههه
Totti
06-14-2008, 05:04 PM
يلا حاجتكون بئا ... صار دوري هلأ ...
اول شي انا عضو جديد قديم بهالمنتدى ... قديم كتير كنير كنير ... بس دارت فيي الايام دورة طويلة ... ساوتني عضو مبتدئ ... :(:(
و بلا طول سيرة ... و باختصار :
انا خلدون من حمـــــــــــــــــــــــــــاة ... سنة تالتة ( بطريقي للرابعة انشالله ) هندسة الكترون طبعا بجامعة حمص ...
طبعا روما هو ناديي المفضل وايطاليا هية بلدي التاني :p...
من اول حياتي لحد هلأ بعتبر حالي امنو أهم شي اتعلمتو هو ( فن التريكس ) ... بالاضافة لفن ال ( FIFA 08 )
و بس ...
سلام للجميع
shumi
06-15-2008, 10:22 PM
نورت خلدون
واهلا وسهلا فيك بيناتنا
انت القديم ونحنا الجدد خلدون مو العكس
وان شاء الله نشوفك معنا عطول:cool:
Totti
06-15-2008, 10:26 PM
ولو شومي .... نخنا من بعدك ... :p
انشالله رح تشوفني دايما هون .. ورح تمل مني ... :eek:
los merengues
06-16-2008, 06:01 PM
بسم الله الرحمن الرحيم
hala madrid
كيفكم شباب
يعطيكم ألف عافية وألف مبروك أفتتاح المنتدى يمكن أجت متأخره شوي ..
كل الشكر
ل الكابتن حسان
يمان
طارق (سكوفيلد ) ههه
شومي
هنو
هنري
كينتونا
وجميع الاعضاء السابقين
والعفو أن نسيت أحد
أقبلوني صديق جديد قديم
(almerengue)
سأعود في القريب البعيد
هلاااااااااااااااااااااااااااااااااااااااااااااااا ااااااااااااااااااااااااااااااااااااااااااا والله
لك بس هنو غير هنا
لا تخربطو:d
منور الك وحشة والله:)
los merengues
06-16-2008, 06:34 PM
سوري خيتوو
خلص هنا ..هنو سابقا
منووررر بوجودك
ودمتم بود
ronaldo-9
06-16-2008, 07:38 PM
يا مية ويلكم بانوس الملك الانتراوي
واخيرا صرنا اتنين مع الانتر ههههههههههههههه
اطمن انوس ما رح قول شو بتشتغل بالليل وبأي مكتب هاد سر بس ما بضمنلك حسون من اول كف يحكي كل شي لانو برازيلي خاين ههههههههههههههههههههههه
عأساس انت ما بتحكي ,طيب رح جربك وابعتك على بيت خالتك شي يومين لنشوف
اغلى ملاك
06-17-2008, 07:55 AM
عأساس انت ما بتحكي ,طيب رح جربك وابعتك على بيت خالتك شي يومين لنشوف
مارح يحكي كمان ...... آخدة رجلو لهونيك ...;)
اغلى ملاك
06-17-2008, 08:05 AM
معكم لمى ... من حلب ....
هندسة عمارة سنة ثالثة وبطريقي للرابعة ان شالله ........دراستي كمان بحلب
بحب كرة القدم كتييـــــــــــر وهاد شي غريب بالنسبة لبنت ... بس شو بدي اعمل عيلتي كلها رياضية ..
محليا ما بتابع حدا ... اوربيا بعشق السيدة العجوز .... واكيد فريقي الطليان ......
بحب الشعر والرسم وشوفتكم ....... حاج ولا كمان ...
Totti
06-19-2008, 03:50 AM
بحب كرة القدم كتييـــــــــــر وهاد شي غريب بالنسبة لبنت
بس لا تئليلي انو كمان بتحبي تلعبي قدم ..!!
crespo
06-19-2008, 10:25 AM
مارح يحكي كمان ...... آخدة رجلو لهونيك ...;)
ولك لموش مين دافشك عليي اه
اغلى ملاك
06-20-2008, 01:52 AM
ههههههه...... منشان تاخد حزرك مني ... :p
اغلى ملاك
06-20-2008, 07:13 PM
بس لا تئليلي انو كمان بتحبي تلعبي قدم ..!!
ههههههه...... والله بحب العب بس مع اخي الكبير لاني بيخليني فوّت اهداف ...ههههههه
بس في شغلة بختلف فيها عنكم ....... اني بكره العب فيفا ... ولما بشوف حدا عم يلعبها قدامي بحتار كيف
بدي طفيلوا ياها ...
Totti
06-20-2008, 09:59 PM
له ... كل شي الا هي ... كل شي الا الفيفا ...
عندي ياها لعبة مقدسة ... بئا منيح ما بتشوفيني وقت بلعب ... :d
henry
06-21-2008, 10:54 AM
ويلكم بالعضو المعتق توتي
والاعضاء الجدد القدامى ايضا
المرينغي الامبراطور
ويلكم بالجميع
los merengues
06-21-2008, 11:14 AM
كل الهلاأإأإأإ فيك هنررري
تسلم خيووو
ودمت بود
henry
06-21-2008, 11:25 AM
ناطرينك
وناطرين مشاركاتك اللطيفة
اهلا فيك مرة تانية
بالتوفيق
اغلى ملاك
06-22-2008, 07:34 AM
المرينغي الامبراطور
شو هي ...؟؟؟:confused:
henry
06-22-2008, 10:35 AM
اسف
بس في فاصل بين الاسمين:(
اغلى ملاك
06-22-2008, 08:31 PM
ومع هيك ....... ما فهمت...:confused:
محسوبكون هاني من الشام
محاسب
عاشق الوحدة الدمشقي
محب للبارشا الاسباني
متيم بالسامبا البرازيلية
henry
06-23-2008, 03:06 PM
ومع هيك ....... ما فهمت...:confused:
بقصد انو اهلين فيكي وبالاخ الجديد اللي شارك معنا واللي اسمو اللمرينغ;)
crespo
06-23-2008, 03:07 PM
له يا لموش اخرتك ينقال عليكي " المرينغي " هههههههههههههههه
هاد لقب للريال مدريد هههههههههههههه
وين راح اليوفي ؟؟؟
ويلكوم هاني منور وتشرفنا بمعرفتك
henry
06-23-2008, 04:02 PM
ههههههههههههه
اي ولييي اذا فهمتها هيك
بس لا ما بعتقد فهمتها هيك لان كانت طربقت المنتدى فوق راسي وللللللللللي
انا طالع انا من مشجعي اليوفي يا شبااااااااااااااااااااااااااااااااب
crespo
06-23-2008, 05:55 PM
له يا خويف له
لموش ما في منها وبتسامحك دغري فاعتذر بسرعة احسن الك
واذا ما وافقت بعملك واسطة ههههههههههههههههههههه
له يا خويف له
los merengues
06-23-2008, 08:40 PM
ومع هيك ....... ما فهمت...:confused:
أحمد تسمحلي احاول
مرحبا خيتوو
هنري يقصد المرينجي يعني أإنا
بس الأمبراطور مابعرف معقوله تكونين أنتي
فــ مراحــــب كبااار فيك خيتو
كريسبو تسلم يالغلا ع التوضيح
ودمتم بــود
los merengues
06-23-2008, 08:43 PM
محسوبكون هاني من الشام
محاسب
عاشق الوحدة الدمشقي
محب للبارشا الاسباني
متيم بالسامبا البرازيلية
أهلين فيك هاني
أن شاء الله تفيد وتستفيد
وأهلا وسهلا فيك
ننتظر أبداعك
اغلى ملاك
06-24-2008, 07:02 AM
اي هاااااااااااا ........ بقى المي ماشية من تحت رجلي وماني خبر...
مزبوط بسامح بسرعة ... بس غيرت هل العادة يا علوش ... مالحقتني يا هنري وانا حبابة ,... :mad:
اغلى ملاك
06-24-2008, 07:06 AM
اهلا فيك هاني نورت والله
crespo
07-01-2008, 05:30 AM
اي هاااااااااااا ........ بقى المي ماشية من تحت رجلي وماني خبر...
مزبوط بسامح بسرعة ... بس غيرت هل العادة يا علوش ... مالحقتني يا هنري وانا حبابة ,... :mad:
له يا لموش معليش مشيها هالمرة بس كرمالي بعدين ابو حميد ما بيقصد وهوي كتير حباب ههههههههههه
يلا لموش
اغلى ملاك
07-03-2008, 05:57 AM
لك المشكلة جايب معو واسطة كبيرة ........ تكرم علوش ... مشيتها وعل اللسريع كمان ..:d
Totti
07-03-2008, 07:52 AM
ما بيصير .. ما لازم يكون في واسطات ...
شو هاد اليوم مشيتيها بواسطة بكرا بتصير رشوة ... :eek:
يعدين علوش ... مين قلك انو أحمد كتير حباب ..!! :mad:
اغلى ملاك
07-03-2008, 07:58 AM
اي عادي ....... الدنيا كلها ماشية واسطات .. وقفت علينا ..
Totti
07-03-2008, 02:28 PM
ما بتسمعي لموش انتي بالمثاليات ..!!
هي المثاليات اللي بتقلك انو اصلاح المجتمع يبدأ من الذات ...!!
ولا هالشغلات لسا ما وصلت لعندكون على حلب ... :cool:
henry
07-04-2008, 02:20 PM
أحمد تسمحلي احاول
مرحبا خيتوو
هنري يقصد المرينجي يعني أإنا
بس الأمبراطور مابعرف معقوله تكونين أنتي
فــ مراحــــب كبااار فيك خيتو
كريسبو تسلم يالغلا ع التوضيح
ودمتم بــود
شكرا يا كينغ
اي هاااااااااااا ........ بقى المي ماشية من تحت رجلي وماني خبر...
مزبوط بسامح بسرعة ... بس غيرت هل العادة يا علوش ... مالحقتني يا هنري وانا حبابة ,... :mad:
يعني شو؟ هلأ؟
له يا لموش معليش مشيها هالمرة بس كرمالي بعدين ابو حميد ما بيقصد وهوي كتير حباب ههههههههههه
يلا لموش
ميرسي كريسبو
ما بيصير .. ما لازم يكون في واسطات ...
شو هاد اليوم مشيتيها بواسطة بكرا بتصير رشوة ... :eek:
يعدين علوش ... مين قلك انو أحمد كتير حباب ..!! :mad:
ما بعرف مين قلو صحي
بدي اعرف مين قلو
وطالع عني هالصفة المو حلوة بنوب
يلا بسرعة مين الضابط اللي بدو يتولى امر التحقيق بالقصة
Totti
07-05-2008, 05:49 PM
يا شايف يا ابو حميد ... لو ما عم دافع عنك انا ... كانو هلأ اخدو عتك فكرة ما حلوة انك حباب ...
بس ولا يهمك حبيب ... انا دايما وراك ...
henry
07-05-2008, 08:24 PM
الحمد لله
طمنتني ابو التوت;)
اغلى ملاك
07-07-2008, 07:49 AM
ما بتسمعي لموش انتي بالمثاليات ..!!
هي المثاليات اللي بتقلك انو اصلاح المجتمع يبدأ من الذات ...!!
ولا هالشغلات لسا ما وصلت لعندكون على حلب ... :cool:
لا والله وصلت ..... بس لفت ورجعت لاني مالاقت محل ...:cool:
henry
07-11-2008, 01:21 AM
حلوة وملعوبة;)
اغلى ملاك
07-13-2008, 09:52 PM
كيف لكا .....:p
henry
07-13-2008, 11:11 PM
هي بأي لهجة كيف لكا;)
shumi
07-14-2008, 08:18 PM
الحلبية الام:cool:
اغلى ملاك
07-16-2008, 06:26 AM
برافو عليك ..... اجابة صحيحة ... ليه انتو كيف بتقولوها ..؟؟
henry
07-16-2008, 08:25 PM
كيف لكي ;)
اغلى ملاك
07-17-2008, 05:54 AM
اي مو حلوة .......:rolleyes:
shumi
07-17-2008, 08:24 PM
لموش نحنا عنا بحمص بنحكي كل اللغات اللي بدنا ياها
henry
07-19-2008, 09:20 PM
ملتي لنغواج يعني
los merengues
07-21-2008, 03:59 PM
والله ماكنت بعرف انو في لغات كتيره بسورية :d
Totti
07-21-2008, 05:22 PM
ولك لسا ما شفت شي ... لك حتى اللغة الحمصية تتفرع منها عدة لهجات محلية .. اي لكن ... شو ببالكون حمص قليلة ...!!
los merengues
07-22-2008, 03:54 PM
العفو مين قال هيك :d
shumi
07-22-2008, 10:40 PM
تعا لعنا شي يوم حتى نعلمك اللغة الحومصية الام:cool:
Totti
07-23-2008, 01:19 AM
لك اذا بدك انا بعلمك ... شو نسيت انو معاي الجنسية الحمصية ... :rolleyes:
shumi
07-23-2008, 07:37 PM
اي صحي مزيوط توتي درس عنا بحمص:cool:
ANWAR1986
07-24-2008, 09:39 AM
على سيرة حمص بكرا أنا عندكون بحمص عندي مباراة مع الكرامة بس ماأتاكدت تمام ياالصبح ياالظهر
shumi
07-24-2008, 12:42 PM
اهلا وسهلا فيك حبيب بنتشرف
Totti
07-25-2008, 02:32 AM
مباراة مع الكرامة !! بشو !! بكرة الماء ولا بالتزحلق الفني على الجليد ..!!!
henry
07-29-2008, 09:54 PM
والله ماكنت بعرف انو في لغات كتيره بسورية :d
عيش كتير بتشوف كتير
بعدين وين انت وياه عم تطقو حنك
هاد الموضوع للتعارف
روحو طقو حنك بمكان طق الحنك في موضوع لحنكك وحنكو
يلا لشوف انت وياه
Totti
08-05-2008, 05:24 PM
يلا يلا يا شباب ... ليكو عمو زعل و عم يصيح علينا ... هلأ بيكب علينا ابريق مي وبيئلعنا من حارتو ...
ღ°AηgέL°ღ
06-09-2009, 11:44 AM
يحرء ديبك يا يمان :66:
وهي كمان عم ننفض الغبرة
شو قصتك اليوم رمروم جايكي داء النطافة :66:
ღ°AηgέL°ღ
06-09-2009, 11:54 AM
أي والله عم عزل :66:..........
شو ما عندك شغل حتى عم تعزلي ابعتلك شوية شغل:66:
ღ°AηgέL°ღ
06-09-2009, 12:27 PM
كو مو هيك القصة عندي 9 تزاكر من الرياض للشام
وهدول بدون نزلة على السورية وماحدا بالمكتب رضيان يتحرك :66: والأوفيس بوي طيرناه :66:
هههههههههههه
وانتي لا ترضي تنزلي كمان :66:
ღ°AηgέL°ღ
06-09-2009, 12:30 PM
لاءا انا بدون يدفشوني على الشعلان جيب غدا من عند هوني :66:
ومالي رضيانة :66:
اي بكير على الغدا لسا هلأ بلش الدوام:55:
golden rose
06-09-2009, 12:36 PM
هههههههههه
فرستيني ريم
بس على فكرة عم ترجعي مواضيع حلوة
شو ماضل عندك مواضيع جديدة
:55:
ღ°AηgέL°ღ
06-09-2009, 12:39 PM
لاوالله كتكوتة عم نفض الغبرة شوي هون :66:
لارند مو بكير لأنو لأقتنع بدي شي ساعتين :66:
معناها تغديتو اليوم انشاء الله:66:
ღ°AηgέL°ღ
06-09-2009, 12:45 PM
عم قلو للمدير لاتحلم تاكول اليوم :66:
لاومتل الجدبان امشي بالصحرا الساعة 2 تحت اشعة الشمس الحارقة واترك التكييف:66:
ليش من شو بيشكي الطلب على التلفون
والله جوعتيني احسن شي اتصل واطلب شي شغلة:66:
ღ°AηgέL°ღ
06-09-2009, 12:52 PM
بدون حصرا فرانشيسكو لأنو مبارح تفئست عليها انا :66:
ღ°AηgέL°ღ
06-09-2009, 12:56 PM
يااااااااااااااي اعتمدنا اخيرا على بيتزا توصاية على التلفون :66:
وصيت على نفر مندي ومشي الحال:55:
ღ°AηgέL°ღ
06-09-2009, 01:14 PM
اييي والله عندكون هنيك في محل مندي طيب :66:
ღ°AηgέL°ღ
06-09-2009, 01:44 PM
صحتين وهنا.....سبئتك انا
Powered by vBulletin
Copyright ©2000 - 2012, Jelsoft Enterprises Ltd
هذه النسخة مرخصة بشكل نظامي